धनगढी उपमहानगरपालिका वडा नम्बर ४ बसपार्कमा एकजना पुरुष मृत अवस्थामा फेला परेका छन्।
ना ४ ख ४२६४ नम्बर बसका सहचालक मोहन बोहरा मृत फेला परेका हुन्। डीएसपी हरि ओलीका अनुसार उनको साथमा भेटिएको मजदुरको आइडी कार्डमा बाजुरा ढाडाकोट ७ ठेगाना खुलेको छ।
उनको बायाँ पट्टी कम्मरमा धारिलो हतियारको चोट देखिएकाले मारिएको हुनसक्ने प्रहरीको आशंका छ। बोहरा विगत २५–२६ वर्षदेखि बसपार्क क्षेत्रमा रहँदै आएको स्थानीय बताउँछन्। बिहीबार रातिसम्म धनगढी बसपार्क जुवा खेलिरहेका उनी विवाद भएर मारिएको हुनसक्ने प्रहरी आशंका छ।
बोहरा ना ५ ख ३५७ नम्बरको बस नजिकै शुक्रबार बिहान करिब ८ मृत अवस्थामा फेला परेका थिए। प्रहरीले ना ५ ख ३५७ का सहचालकसहित अन्य एकजनाई नियन्त्रणमा लिइएको डीएसपी ओलीले बताए।
शवलाई पोष्टमार्टका लागि अञ्चल अस्पतालमा राखिएकाले पोस्टमार्टमको रिपोर्टपछि अन्य कुराहरु थाहा हुने डीएसपी ओलीले बताए।
